قطعه

[1]

رات فراق دي، روز قيامت، مٺي مور نه کٽي

ساعت ساعت ڪوهه الم دا سر تي آڪي ٽٽي

جڏهان ”قليچ“ سڄڻ رب ميلي،

تڏهن جند عذابئون ڇٽي

[2]

فوج حسن دي يار چڙهائي، ملڪ دلين دا لٽي

غمزين نال مطيع ڪريندا، مشتاقان نون ڪٽي

مزگان سيتي ڏيندا، چوڪان دام زلف وچ گهٽي

مرڻان اڳ ”قليچ“ مرين، تا جند عذابئون ڇٽي

*

ڪافي (33)

رند

ٿل- ميخاني جي مست رندن تي – حڪم شرع ڇا هلي يار

ڪشف ڪشاف نه سمجهن عاشق-

مخزن ڌو تون ملي يار

مصلن مفت منجهايا عابد-

ٺاهه رلايا ٺلي يار

رند نهار ته ڪيئين پي سرڪي-

بار اُٺائن بلي يار

امر الستيءَ تي ٿي راضي-

سر واهيون سر جهلي يار

ريءَ رضا جي يار قضا سان-

چارو ٻيو نه چلي يار

عشق ”قليچ“ ڪئي افتادي-

سور ڪهڙا دل سلي يار

*

ڪافي سرائڪي (34)

سُر سورٺ

ٿل- واه جلوه جڳ وچ رب دا هي

ڪوئي واقف رمز عجب دا هي

ڪڏهان شمس قمر وچ تاب ڪري

ڪڏهان خاڪ دي اندر خواب ڪري

ڪڏهان وچ هوا دي آب ڪري

اهو خالق مالڪ سڀ دا هي.

ڪڏهان هوش ڇوڙ آوندا مستي وچ

ڪڏهان نيست ويک آوندا هستي وچ

ڪڏهان عالم شرع پرستي وچ

ڪڏهان عاشق طالب لب دا هي.

سهي صوفي تنهنڪون صاف ڪيتا

ڪٿان ڪاف دي وچ شگاف ڪيتا

ڪيها الف وچون انصاف ڪيتا

ويکيا ميم عجب مطلب دا هي.

ڪيها رنگ بيرنگي شان ويکو

ڪيها خاڪ دي وچ خاقان ويکو

ڪيها بهر ”قليچ“ بيان ويکو

ڪيتا ترڪ طريق ادب دا هي.

*

ڪافي (35)

سرائڪي

ٿل- هڻ سنڀالا مين وو مين

عمر ڳئي سڀ غفلت دي وچ

ڪڍيا عشق بتاندي ڪيتي

سخت ڪشالا مين وو مين

لايا نال عجيبان دي نت

نيهن نرالا مين وو مين

محبوباندي منهن وچ ويکيا

حق تعاليٰ مين وو مين

ميخاني وچ مست موالي

رهيا مت والا مين وو مين

پير مغان دي هٿون پيتا

پر پيالا مين وو مين

ڇوڙ حلال حرام دا کايا

مفت نوالا مين وو مين

سوئر سگ پليد دا پتلا

من وچ پالا مين وو مين

ڇوڙ بهشت پڪڙ ليا رستا

دوزخ والا مين وو مين

ڪفر تي دين ڏنم جڏهان ويکيا

چشم دا چالا مين وو مين

دل وچ دوست مليا هڻ مينون

بخت دا بالا مين وو مين

ڪيوين ”قليچ“ مين ٿيسان مومن

ڪافر ڪالا مين وو مين

*

ڪافي (36)

سرائڪي

ٿل- جڏهان جي وچ عشق جناب آيا

تڏهان جيوڻ عين عذاب آيا

ڏينهن رات سڄڻ دي تانگهه اندر

آرام ذرا نه خواب آيا

في نار جهنم بن دلبر

و الله شديد عقاب آيا

2- اٿان اسم جسم دي قيد اندر

مينون اپڻا آپ حجاب آيا

الموت جسر جڏهان لنگهه پوان

تڏهان وصل حبيب دا باب آيا

3. هيءَ دم حياتي پل پلڪ

ڄڻ بحر تي هڪ حباب آيا

کلمعه البصر او اقرب

اهو ڄاڻ ته اجل شتاب آيا

4. پر مرڻ پڇي ميلاپ خطا

اٿان موتوا قبل ثواب آيا

و نحن اقرب في انفسڪم

شاهد وچ ڪتاب آيا

ڪيوين مفت مستانا رل مرين

اڳون دلبر کول نقاب آيا

اينما تولو ثم وجهه الله

حق ڏانهون خوش خطاب آيا

اکيان نون ڏيکڻ دوست ڪيتي

تجلي دا مول نه تاب آيا

ارني دا لن تراني وت

موسيٰ نون جلد جواب آيا

عقبيٰ دي طلب ”قليچ“ رکين

دنيا دا خيال خراب آيا

اها دنيا جيفة اصل ڪنو

تنهن دا طالب ڪل ڪلاب آيا.

*

نئون صفحو --  ڪتاب جو ٽائيٽل صفحو
ٻيا صفحا 1 2 3 4 5 6 7 8 9
هوم پيج - - لائبريري ڪئٽلاگ