گوگل ڊجيٽل دنيا جي معلومات، شيون، تصويرون ۽ کوڙ
ساريون شيون ڳولڻ جو سرچ انجڻ آهي. هي سرچ انجڻ
مختلف ويب سائيٽس، نقشا ۽ سوالن سان متعلق معلومات
ڪجهه سيڪنڊن ۾ گڏي ڪري ۽ انٽرنيٽ صارف جي سامهون
کڻي اچي ٿي.
هن کي مفيد ۽ مؤثر انداز ۾ استعمال ڪرڻ جي لاءِ ان
کي هميشه ڪي ورڊ
(Keyword)
جي چونڊ ڪريو.
دنيا ۾ ڪُل ڇهه هزار پنج سؤ زبانون ڳالهايون وڃن
ٿيون ۽ هاڻي گوگل سنڌي ۽ اردو زبان به سمجهي ويندو
آهي.
گوگل محققن اهو انڪشاف ڪيو آهي ته ”گوگل ايشيا جون
مختلف 10 ٻوليون سڃاڻي سگهندو آهي“ جنهن ۾ هندي،
مراٺي، اردو، بنگالي، تامل، تيلگو، ڪنٽرا، مليالم،
گجراتي ۽ سنڌي شامل آهن. گوگل آمريڪا جي هڪ ملٽي
نيشنل ٽيڪنالاجي ڪمپني آهي جيڪو انٽرنيٽ سان متعلق
مصنوعات، آن لائن بزنس، سافٽ ويئر ۽ هارڊ ويئر
ڪاروبار ڪرڻ تي مهارت رکي ٿو.
گوگل ڊاٽ ڪام
(www.google.com)
دنيا جي سڀ کان وڌيڪ وزٽ ڪرڻ واري ويب سائيٽ آهي.
ليري پيچ ۽ سرجي برائين جيڪي
Ph.D
جا طالبِ علم هئا. گوگل انهن جو تحقيقي پروجيڪٽ
هو. جنهن کي انهن ٻنهي جنوري 1996ع ۾ بنايو. انهن
هڪ ٽئين باني اسڪاٽ حسن کي پروگرام جي سربراهه طور
شامل به ڪيو هو.
گوگل جي هيڊ آفيس، مائونٽين ويو، ڪيليفورنيا،
يونائيٽيڊ اسٽيٽس ۾ واقع آهي.
گوگل پنهنجي نالي کي بطور ”گوگل
Google“
15 سيپٽمبر 1998ع ۾ رجسٽر ڪرايو.
گوگل دنيا جي وڏي ٽيڪنالاجي ڪمپنين مان هڪ آهي ۽
ڪمپيوٽر صارفين جي لاءِ هميشه نت نئين مصنوعات
متعارف ڪرائڻ ۾ مصروف رهندو آهي.
 |
