|
صوفي لا ڪوفي ڪونه ڀائنس ڪير،
منجهان ئي منجهه وڙهي، پڌر ناهيس پير،
جنين ساڻس وير، ٿئي تن سين واهرو.
(شاهه عبداللطيف ڀٽائي)
”هيءُ ڪتاب علامه آءِ. آءِ. قاضي جي پندرهن مقالن
۽ تقريرن جو مجموعو آهي. ان ۾ ڪو شڪ ناهي ته علامه
صاحب اسان جي موجوده دؤر جو عظيم مسلمان مفڪر ۽
عارف هو- انهن تقريرن ۽ مقالن ۾ انساني فڪر جي
تمام گهڻن پهلوئن جو احاطو ڪيو ويو آهي، جن ۾
فلسفو، مذهب، تاريخ، شاعري، آرٽ ۽ ادبي تنقيد شامل
آهن. انهيءَ گلدستي مان خبر پوي ٿي، ته اهو هڪ
تمام وڏي ذهن جو ڪارنامو آهي. انهن تحريرن وسيلي
مصنف جي بلڪل اصلي ۽ نهايت مؤثر طريقه ڪار سان
آشنائي ٿئي ٿي، جنهنڪري اسان انساني زندگيءَ جي
بنهه بنيادي سوالن کي منهن ڏيئي سگهون ٿا.“
اي. ڪي بروهي.
|
