1. ڪر تون ثناءِ سائين،

تان خير، پاند پائين(1)،

مُرتد(2) کي منهن نه لائي،

جو دم جيان پيو جائين،

مُرسل مَداح، مَرُ(3) چو،

ڏس، چوڏهينءَ جو چرچو،

لَڄ شرم، لوڪ خرچو.

2. انوَرُ، امين، اهڙو،

ساڻس، نه جوڙ جهڙو،

ڪونهي ڪفيل(4) تهڙو،

وسواسُ، وَهمُ ڪهڙو؟

صَلوا عَليہِ وَر چو(5)،

ڏس، چوڏهينءَ جو چرچو،

لَڄ شرم، لوڪ خرچو.

3. ڏس، ظلم ڪيو زماني،

پَهرو(6) آ، پور بَهاني(7)،

بَد رنگ، بَد تَراني،

خانِي، رهي نه خاني(8)،

سڀڪو لُچن سان سرچو(1)،

ڏس، چوڏهينءَ جو چرچو،

لَڄ شرم، لوڪ خرچو.

4. هَرڪو فَساد وارو،

ويو صُلح جو ستارو،

ڏنگُ ڏانءُ(2)، ٻيو ڏيکارو،

خَناس(3)، ڪَن خَسارو(4)،

ويئي پِرت، مُلڪ پَرچو(5)،

ڏس، چوڏهينءَ جو چرچو،

لَڄ شرم، لوڪ خرچو.

5. سختي لڳي، صَديءَ جي،

ڪُوڙن، ڪَمر بَديءَ جي

وئي ٻاجههَ، اڄ ٻَڌِيءَ جي،

ساڃَهه، اَما اديءَ جي

نانگـٖـي(6)، لهن نه ساري،

ڪياناٽ، ڏس نَصاري،

خارج خِجل خَساري.

6. اندوهه(7) ڪيو، اصيلن(8)،

شادي(9) بَڻي، بَخيلن،

ويڙهيو مُلڪ، وڪيلن،

ڏس،  دوُن(10) مَنجهه   دليلن،

پاپِي، رسيا پَساري(1)،

ڪيا ناٽ، ڏس نَصاري،

خارج خِجل خَساري.

7. عَملن اسان جي، آندا،

لَنڊن جا لوڪ خواندا(2)،

فاسد(3)، فِرنگ(4) ڦاندا(5)،

موڳن، ڪيا ملڪ ماندا،

مَنجهه حَرڪتڻ، هَچاري(6)،

ڪيا ناٽ، ڏس نَصاري،

خارج خِجل خَساري.

8. بَد رنگ، ڀُوچ ڀاڳيا(7)،

ناهل(8)، نَجَس(9)، نِڀاڳا،

هن سُورَ(10)، سُوڌُ ساڳا(11)،

لُنبن سان، تَن جا لاڳا،

ڪُلفَتَ وڌي ڪَساري،

ڪيا ناٽ، ڏس، نَصاري.

خارج خِجل خَساري.

9. مُسلم، بَڻيا مجوسي(12)،

پائي    لِباسِ،    لُوسي(13)،

ديني عَدوُ(1)، دَيوثي(2)،

نانگن جي حَق(3)، نَحُوسي(4)،

آڻي وڌي، اساري(5)،

ڪيا ناٽ، ڏس نَصاري،

خارج خِجل خَساري.

10. پهريون، پُوليس کاتو،

خارج، خبيث پاتو،

اشراف ڪن اوراتو(6)،

هي، عام ڪين ڄاتو،

خانو سڀن کَري ٿو،

ڪا، دام هيئن ڌري ٿو،

قابُو خَلق ڪري ٿو.

11. نائڪ(7)، سُوار، تَن ۾،

کوٽا، خُوار تَن ۾،

فِتنا هزار تَن ۾،

اونڌا اپار تَن ۾،

سڀ روڪڙو گهري ٿو،

ڪا، دام هِيئن ڌري ٿو،

قابو خلق ڪري ٿو.

12. ٻولي سِکي، ٿيا ٻانهان،

ڄاڻن، وڏا ٿيا خانا،

کُههِ، خارجن خزانا،

ڏوهٽاڻ هِي، هُو نانا،

ٿُڪ، مُور مال تَن جي،

مُنهن پَئون نه شال، تن جي،

ٻَر ٻَر افعال تن جي.

13. پَتلُون، ڪوٽ پائن،

انگريزُ، پاڻ چائن(1)،

عزت، اِها ٿا ڀانئن،

پيءُ، پاڻ تي سڏائن،

هَي! حيف حال تَن جي،

مُنهن پَئون نه شال تن جي،

ٻَر ٻَر افعال تن جي.

14. ڪُلهيـٖـن، ننگا(2) بَڻن ٿا،

ڪُونڊيون(3)، سُڃا کڻن ٿا،

آئين(4) ڏي، تَڻن ٿا(5)،

ڪنهنکي نه ڪجهه وڻن ٿا،

چُوتيا ڪيا، چال تن جي،

مُنهن پَئون نه شال، تن جي،

ٻَر ٻَر افعال تن جي.

15. ڏس، مُنصفيُون ڪمائن،

چالان هت چَلائن،

پنهنجا حڪم هَلائن،

قَيدي سوين جهَلائن(6)،

سرور، تَنين کي ساڙين،

تون، هن چڪڻ مون چاڙهين(7)،

شل عيب نا اُگهاڙين.

16. هندوُ، حرام ڀائي،

تن جي وڃاءِ وائي،

ويا، کوٽ ساڻ کائي،

قادر، ڪڍين ڪائي(8)،

پيـٖـريـٖـن وڃن اُگهاڙين،

تون، هن چڪي مون چاڙهين،

شل، عيب نا اُگھاڙين.

17. شَہ، شاهه مُحمّد شافي،

تون ڪَر، مُدامُ معافي،

نرمل ننگي نافي،

تنهنجو ڪلام ڪافي،

ڪلمُون، ڪريم پاڙهين،

تون، هن چڪڻ مون چاڙهين،

شل، عيب نا اُگهاڙين.