|
(5) يا حبيب الالہ
1- سُڻ سردار، سڏ سقيم سندا،
ميٽي عصيان، ڪيوم معاف مندا(5)،
ڪِذب(1)،
ڪيم ڪيترا، گناه گندا،
نڪي عصيان(2)
ڏين، سهو(3)
سندا،
ريءَ تو، قرب، ڪرم ڪير ڪندا؟
ماڙ(4)،
مرسل، اچي ڪيو مهدي،
يا حبيب الالہ، خُذ بيدي،
مالعجزي، سواڪ مُستندي(5).
2- وَرُ(6)،
واهر(7)،
وريام(8)،
وارث وير،
مصطفيٰ، مجتبي، محمّد مير،
آه آرواح کي، اُداس، اُڪير،
لڳ ديدار، ماهَ مهر منير،
من مشتاق، دل رهي دلگير،
آءٌ ويران ۾، ٿئي وسندي،
يا حبيب الالہ، خُذ بيدي،
مالعجزي، سواڪ مُستندي.
3- هِت، عاشق اُڃا آٿي، ارحم(9)،
عرب کي ڇڏ، عجيب، آءٌ عجم،
برد(1)،
يمنيءَ(2)
جو، خواب، ڪارختم،
اڄ، اُمت جو، حال ڏس، اڪرم،
خلق، نيون خلق(3)
مون، خبيث، خصم(4)،
ياوري(5)
ڪَر، يضل من يهدي(6)،
يا حبيب الالہ، خُذ بيدي،
مالعجزي، سواڪ مُستندي.
4- هيئن اُتو(7)،
آمنت، سندن اُمي(8)،
ٿي ڪري حمل(9)
جي، حڪايت هي،
ڄام، سنجريو(10)
جڏهن، جياپو جي،
آيا هر ماهَ ۾، نظام نبي،
ڏني آدم، خبر سچار، صفي(11)،
ڄمندءِ ڄام، صاحب سندي(12)،
يا حبيب الالہ، خُذ بيدي،
مالعجزي، سواڪ مُستندي.
5- جيءُ ڄائين، سڄڻ، سدوري وار،
جيءُ آئين، آڌور، تو اُڌار(1)،
نُور تُنهنجي، نبي ڪيا نروار،
آئي، گل ڦل، گلاب ڪيو گلزار،
مُلڪ، سرسبز، شهر باغ بهار،
جھنگ جھر، ٿر، وهي نعيم ندي(2)،
يا حبيب الالہ، خُذ بيدي،
مالعجزي، سواڪ مُستندي.
6- ڄام، جنهن ڏينهن، تون هئين ڄائو،
ڪوٽ، ڪسريٰ(3)
جو، زلزلي آيو،
هو، حليمان(4)
جي، سِر ذمي، سعيو،
مهند(5)
ڪيو، مهد(6)
۾ تنهن، سهرايو(7)،
جاني، جبريل، درگھت(8)،
دايو،
رازُ، سيد، سدا اُٺئي، صمدي(1)،
يا حبيب الالہ، خُذ بيدي،
مالعجزي، سواڪ مُستندي.
7- مُرڪ، شہ جـٖـي، سُئي لڌي، شب ۾،
ڪيئن، هرڻيءَ تي، هوت ويو هب ۾،
کوهه کاري مزو لڌو، لب ۾،
تو ڪيو، ڪامل، قمر، ٻه اڌ اُڀ ۾،
اُٺ، آزاد ويو، سِڌو سڀ ۾،
مُعجزا، مدح کون، بِلا عددي،
يا حبيب الالہ، خُذ بيدي،
مالعجزي، سواڪ مُستندي(2).
8- ڪونه پاڇو، پرين، جو هو ظاهر،
ها، محب، هر ڪنهين جي، من ماهر،
درد، دارو، طبيب تن طاهر،
ڪين، ڪنهن تي، قريب، ٿيا قاهر(3)،
سي، سڙي مئا، جني، چيو ساحر(1)،
جاءِ، في النار(2)،
تن، ٺلهن ٺهندي(3)،
يا حبيب الالہ، خُذ بيدي،
مالعجزي، سواڪ مُستندي.
9- چار، چيدا چڱا، چڱي جا چار،
سِر، صديق تون، صدق، صدبار،
گھورَ، گھوريان ٻَچا، مٿانئس ٻارَ،
پيءُ ڏاڏو، آدا، آما، ڇا عار؟(4)
مڙئي، محبوب تون، وٿون، واپار،
گھورَ، گھوري سگھان، سريءَ سرندي(5)،
يا حبيب الالہ، خُذ بيدي،
مالعجزي، سواڪ مُستندي.
10- آءِ عادل عمر، جو دل کي، دام،
دين داڙو(6)،
اُجارُ(7)،
منجھ اسلام،
ڪفر، ڪوپي، ڪڍيو، ننگي نطام،
جُنگ، جابر، جنگي، خاص خرام،
ڪير هڻندو، حبيب سان ٻيو، هام(1)،
هفت ڪشور(2)،
قريب کون، ڪنبندي،
يا حبيب الالہ، خُذ بيدي،
مالعجزي، سواڪ مُستندي.
11- آءِ عثمان، ذڪي ذُوالنورين(3)،
حِلم، هادي، حياءُ منجھ حرمين(4)،
ڪونه اهڙو سخي، منجھ ثقلين،
غرب(5)
۾ منجھ، غنا(6)،
وسيعُ يدين(7)،
ڪيان فدا، جان، مٿون ڀلي، بالعين(8)،
آهل، اولاد، والِدو، وَلدي؛
يا حبيب الالہ، خُذ بيدي،
مالعجزي، سواڪ مُستندي.
12- شَہ نجف، آ شجاع، شيرُ، علي،
شَہ مردان، جناب، جاه جلي(9)،
نِزدِ محبوب، ويرُ، واه ولي،
ڪيو، ڪفارن کي قتل، هوت هلي،
ايڏي برڪت، ڀلــٖـي سان، بخش ڀلي،
چيو فَتّاح، جنهنکي فوق يَدي(1)،
يا حبيب الالہ، خُذ بيدي،
مالعجزي، سواڪ مُستندي.
13- چار چِيدا، فَياَض، فيض فُزوُن(2)،
هُن ٻن کي، سليم، سيِن سَلُون،
هُن ٻن کي، نِگين، سونهن نُون،
بَحر بَرڪات، بِيرَ(3)
بات بُروُن(4)،
رهنما، رَه رَفيق، راه نَمون،
راحم و، رهبر و، اِليٰ رشدي،
يا حبيب الالہ، خُذ بيدي،
مالعجزي، سواڪ مُستندي.
14- هِن(5)
حسنين لئي، جگر کي جَڪ(6)،
شوق، جَن جي، شُبُہ، وڃايم شَڪ،
حب، حضرات جي، حُزن(7)
ڪيا حَڪ(8)،
ڪين، ڀاڄي ڇڏن، پرين، ڏَنهن پَڪ،
محب، مادح کي، سڀ لنگھائين لڪ،
ماڙ، منهنجي، اچي ڪندا، مددي،
يا حبيب الالہ، خُذ بيدي،
مالعجزي، سواڪ مُستندي.
15- خاص خاتون جو، شرف، شان لقب،
شال، آرقامُ(1)
ٿِئيم، عِز، ادب،
راز، جنهن ۾، سَڀو رکايو رب(2)،
آءِ، آحۡمَد آمين، جنهن جو آب،
ننگ، سائڻ مٿون، اسان جو سڀ،
ڪندين، بن عَبدُ(3)،
عَبدَ کي ابدي(4)،
يا حبيب الالہ، خُذ بيدي،
مالعجزي، سواڪ مُستندي.
16- شال چاچا، محب ڏسي مرندس،
سِرُ حمزي، عباس تَون، سَرندس،
گھورَ گھورئي سوا، نه تِر ٽَرندس،
چُمي چرنَين(5)
سان، چَپيـٖـن، ٺرندس،
دم هن کَون، نه ويل پو ورندس،
ڪندا ڪَشتي، ڪريم ساڻ ڪنڌي،
يا حبيب الالہ، خُذ بيدي،
مالعجزي، سواڪ مُستندي.
17- عِّز، اصحاب شرف ڪيڏي شان(1)،
مير محفل نشين، مونِس(2)
مان(3)،
جيءَ جياپا، جگر جيارن جان،
تَن، آسودگي، آمين، امان،
سِرُ صدقي، مٿن هي جانِ جھان،
پُشت، پاکَر(4)،
پناه(5)،
تَن پُڄندي،
يا حبيب الالہ، خُذ بيدي،
مالعجزي، سواڪ مُستندي.
18- آهيان عاجز، عَجيب تو آهِر(6)،
پُڄ، توريءَ پِدر، نه ڪو مادر،
ڏي پَلؤ، پڪ، جا چڱي چادر،
تون آن هر ملڪ جو، ننگي نادر،
ڪر، پاپي پَڻي(7)،
هڻي پادر،
دَس، دشمن، ديوُث، زور ضدي،
يا حبيب الالہ، خُذ بيدي،
مالعجزي، سواڪ مُستندي.
19- مَرض ماري مَلول ڪيس ماندي،
عمر اهڙيءَ طرح اٿم آندي،
ڪر تَن جا طبيب جِند واندي،
خوش خُورم، ڪيو چِٽو چاندي(1)،
شاه محمّد، ڪريم، تون ڪانڌي(2)،
ڏي، بشارت(3)
سندي سچا، سَندَي(4)،
يا حبيب الالہ، خُذ بيدي،
مالعجزي، سواڪ مُستندي.
20- جوجيان دم، هجي شرع سان، شاهه،
امن، ايمان ڏئيم، پاڪ پناه،
وقت سڪرات، ويرَ توريءَ واه،
ڪانا سيّد، سُجھي رَمڻ جي راه،
ساڻ ڪلمي، پرين، پُڄاءِ پَساه،
پَڙهان آشهَدُ(5)،
هلاءِ تون، هلندي(6)،
يا حبيب الالہ، خُذ بيدي،
مالعجزي، سواڪ مُستندي.
لا الہ الا الله مُحمّد الرسول الله،
صلي الله عليہ و آلہ وصحبہ وسلم.
|
